(E plotësuar) Redaktori i Klan Kosovës, Gazmend Syla ka thënë para medieve që ngjarja ka ndodhur rreth orës 10 ku një person ka kërkuar të takohet me Milotin. Ai është lejuar të hyjë brenda, pa e ditur ne qëllimin e tij të keq, dhe e ka therur pas qafës. Gjendja e të lënduarit është e rëndë por jashtë rrezikut për jetë.
Express ka folur edhe me Milotin, por i njëjti nuk ka pranuar ti bëhen fotografi dhe as nuk ka dashur të prononcohet, mirëpo AI është në vetëdije dhe i kujtohet shumë mirë ngjarja.
Ndërkohë, punëtorët e tjerë të televizionit i kishin larguar armën sulmuesit dhe kanë arritur ta mbyllin në njërin nga lokalet e televizionit. Sulmuesi është mbajtur aty derisa kanë ardhur njësitet e policisë, të cilët arrestuan sulmuesin dhe e dërguan në mbajtje, raporton Express.
Sulmohet me thikë në kokë gazetari Milot Hasimja
Milot Hasimja, gazetar i Klan Kosovës, është sulmuar me thikë nga disa persona të panjohur te Qendra Tregtare në Bregun e Diellit.
Burimet e portalit Koha.net, kanë bërë të ditur se gazetari është sulmuar në kokë dhe në qafë pasi është sulmuar brenda lokaleve të televizionit ku punon.
Ai është dërguar në QKUK dhe është jashtë rrezikut për jetën.