Komuna e Prizrenit është liruar nga masat e karantinimit që nga e diela që e lëmë pas.
Kryetari i kësaj Komune, Mytaher Haskuka tha se gjashtë persona me Covid-19 rezultojnë të shëruar sot ndërsa katër nga ta të kësaj komune ishin duke u trajtuar në Klinikë Infektive.
”Janë diku 60 raste aktive në Prizren, nga to janë të shpërndara mbi 35 familje”.
”Sot nga gjashtë rastet e shëruara katër janë nga Klinika Infektive”.
”Është një lajm jashtëzakonisht i mirë pasi me këta katër të shëruar nga Klinika Infektive, tashmë të tjerat raste janë vetëm në trajtim në shtëpitë e tyre”.
Pavarësisht rezultateve me të shëruar nga Covid-19 në Prizren, i pari i kësaj komune Mytaher Haskuka ka dhe një shqetësim tjetër.
Ai tha në Klan Kosova se relaksimi i masave kundër pandemisë ka bërë që qytetarët të mos mbajnë disiplinën e nevojshme sa i përket mbrojtjes nga përhapja e Covid -19.
Detajet nga raportimi i gazetares Mejreme Gashi.