Është gjetur një mjet i pashpërthyer në kulmin e një shtëpie.
Rasti ka ndodhur në rrugën “Adem Jashari” në Prizren.
Lajmin për Klan Kosova e ka konfirmuar toger Shaban Osmanollaj, Drejtor i Zyrës për Informim në Policinë në Prizren.
” Është gjetur një mjet i pashpërthyer në një shtëpi e cila ishte duke u renovuar. Mjeti është gjetur në kulmin e kësaj shtëpie. Ngjarja ka ndodhur rreth orës 15:40 në rrugën “Adem Jashari” “- tha Osmanollaj.
Ai shtoi se në vendin e ngjarjes janë njësitet policore të cilët po merren me rastin.
Osmanollaj tregoi se është ftuar edhe ekipi i veçantë për ta larguar mjetin.