Policia e Kosovës ka arrestuar një person në një aheng familjar në Kojushë të Prizrenit, pasi dyshohet se ka shtënë me revole.
Sipas njoftimit policor, i dyshuari ka pranuar se ka shtënë me armë, e cila më pas i është konfiskuar së bashku me një karikator.
“Në lidhje me rastin është konsultuar prokurori i shtetit i cili ka rekomanduar që pas intervistimit i dyshuari të lirohet dhe rasti të procedohet në procedurë të rregullt”, thuhet në njoftim.