Eqrem Kryeziu ka marrë mbështetje nga Forumi i Gruas të Degës së LDK-së në Prizren.
“Kryesia e FG të degës së LDK-së në Prizren, mbështet fuqishëm kryetarin e LDK-së Dega në Prizren dr. Eqrem Kryeziu,dhe njëkohësisht kërkon që kryetari i Lidhjes Demokratike të Kosovës Akademik Isa Mustafa, të vazhdojë punën në forcimin dhe funksionalizimin e mëtejmë të LDK-së”, tha kryetarja e FG-së së LDK-së në Prizren, Mybera Mustafa.
Ajo tregoi se në mbledhjen e fundit të Kryesisë së FG-së së LDK-së, është diskutuar edhe për situatën politike që është krijuar pas zgjedhjeve të nëntorit të vitit të kaluar.
“Ishte konkludim i pjesëmarrëseve në mbledhje se gara elektorale për Prizrenin, ishte garë shumë e pabarabartë, pasi që gara nuk kishte qenë vetëm në mes të LDK-së dhe rivalit kryesor PDK-së, por kjo ishte garë në mes të LDK-së dhe koalicionit parazgjedhor të PDK-së me tetë parti minoritare.
“Po ashtu ishte garë në mesë të LDK-së dhe Qeverisë së Kosovës e cila ishte e instaluar 24 orë të bëj fushat në Prizren, pro PDK-së”.
Sipas saj, edhe përkundër kësaj gare jo të barabartë kandidati i LDK–së, Eqrem Kryeziu arriti që pa koalicione dhe i vetëm të fitojë rreth 17 000 vota të vullnetit të mire të qytetarëve të Prizrenit, e që ishin më shumë se 3000 vota me tepër sesa partia.
“Duke pasur parasysh këto të dhëna Kryesia e Forumit të Gruas konsideron që LDK-ja duhet që pa humbur kohë të vazhdojë të mobilizohet dhe të reformohet në frymën institucionale siç e parasheh statuti i LDK-së, me qëllim që të jemi të fort dhe të gatshëm për fitore në zgjedhjet nacionale të cilat janë shumë afër”/PrizrenPress.com/