Kryeministri në detyrë i Kosovës, Ramush Haradinaj, ka thënë se me shqetësim të madh e ka marrë lajmin e shpërthimit të një eksplozivi në Zhur të Prizrenit dhe të humbjes së jetës në krye t? detyrës të policit Sami Thaçi.
Haradinaj përmes një postimi në Facebook, ka thënë që i bën thirrje organeve të rendit të ndërmarrim të gjitha veprimet e nevojshme për ta zbardhur gjithë këtë situatë.
Më poshtë postimi i plotë:
I tronditur me lajmin për humbjen e jetës së një pjesëtari të Policisë së Kosovës, plagosjen e dy të tjerëve dhe një fëmije nga një shpërthim i një mjeti eksploziv në Zhur të Prizrenit.
Ftoj organet e rendit që të zhvillojnë hetimet dhe të ndërmarrim të gjitha veprimet e nevojshme për ta zbardhur gjithë këtë situatë dhe për të sjellë para drejtësisë, përgjegjësit e këtij akti.
Ngushëllime për familjen e policit që humbi jetën dhe shërim të shpejtë për të plagosurit!