Zhvillimet e fundit në skenën politike dhe kolapsi institucional i krijuar në vend, kanë shtyrë liderin e Aleancës Aleanca për Ardhmërinë e Kosovës, Ramush Haradinjan, që t’i shkruajë letër presidentes Atifete Jahjaga, nga e cila ka kërkuar që të shpallë sa më parë zgjedhjet nacionale.
“Duke marrë parasysh zhvillimet e fundit në skenën politike të Kosovës, AAK vlerëson se Kosova pashmangshëm është duke shkuar drejt paralizimit të plotë të jetës institucionale. Kosova dhe qytetarët e saj nuk e kanë luksin që për shkak të humbjes së shumicës parlamentare të koalicionit qeverisës, të përjetojnë kolapsin institucional i cili tanimë është realitet”, thuhet në letrën që i ka shkruar Hardinaj presidentes Jahjaga.
“Si presidente e Republikës së Kosovës dhe si faktor uniteti, ju ftoj që të filloni dialogun e menjëhershëm me subjektet politike në mënyrë që në Kosovë të shpallen zgjedhjet parlamentare si përgjigje ndaj situatës së krijuar në vend”, thuhet në letër.