16.8 C
Prizren
E diel, 2 Tetor, 2022

Isa Mustafa, kandidat i LDK-së për kryeministër

Isa Mustafa LDKKëshilli i Përgjithshëm i Lidhjes Demokratike të Kosovës (LDK), në takimin e sotëm ka nominuar Isa Mustafën, kandidat për kryeministër për zgjedhjet parlamentare, që do të mbahen këtë vit.

Me këtë vendim nuk ka qenë i kënaqur ish-lideri i LDK-së, Fatmir Sejdiu, i cili e ka kundërshtuar kandidaturën e Isa Mustafës për kryeministër.

“Jo nuk e përkrah, unë kam shprehur qëndrimin tim edhe më herët, natyrisht edhe tash kam votuar kundër”, u ka thënë Sejdiu gazetarëve pas takimit të Këshillit të Përgjithshëm të LDK-së. Ai ka uruar që LDK-ja t’i fitojë zgjedhjet e ardhshme parlamentare.

Kurse, anëtari i Kryesisë së LDK-së, Eqrem Kryeziu ka thënë për ‘Epokën e re’ se nuk ka alternativë më të mirë, që Kosova të qeveriset nga Isa Mustafa.

“Nuk besoj se ka alternativë më të mirë. Tani, tempi i proceseve tona do të duhej përshpejtuar dhe për këtë arsye është përparësi e pakompensueshme, po që se kryeministri është ekspert-politikan dhe jo vetëm politikan”, ka deklaruar Kryeziu.

Ndërkaq, nënkryetari i LDK-së, Avdullah Hoti, në rrjetin e tij social Facebook, ka shkruar se sot nisëm rrugën për fitore.

“ Sot nisëm rrugën për fitoren. Në qershor, në krye të qeverisë është një akademik”, ka shkruar Hoti. /PrizrenPress.com/

Më Shumë

Lajmet e Fundit