Ministri i Punëve të Jashtme, Hashim Thaçi, sot e ka pritur një politikan të rëndësishëm europian, Ministrin e Jashtëm të Greqisë, Nikolaos Kotzias.
Mirëpo, në llogarinë e tij në Facebook, dhe në komunikatën zyrtare, ai e ka bërë një gabim të madh duke shkruar se kjo është “vizita e parë zyrtare e një shefi të diplomacisë greke në vendin tonë”.
Në të vërtetë, dy ish ministra të jashtëm grekë e kanë vizituar Kosovën në të kaluarën, njofton Klan Kosova.
Ministrja e Jashtme e Greqisë, Dora Bakoyannis, ka qëndruar në Prishtinë më 3 shkurt 2009, kurse Ministri tjetër i Jashtëm i Greqisë, Evanegelos Venizelos e ka vizituar kryeqytetin kosovar më 19 shkurt 2014.
Thaçi ishte takuar me të dy.
