Kryetari i Prizrenit, Mytaher Haskuka ka thënë se përkundër bllokimit të shumë projekteve nga ana e institucioneve të papërgjegjshme, Komuna e Prizrenit është ndër më të suksesshmet në përmbushjen e premtimeve qeverisëse.
Haskuka në llogarin e tij në Facebook thotë se pjesë e suksesit të Komunës janë edhe drejtorët Osman Hajdari dhe Ehat Oreshka.
“Uunë do të vazhdoj me ata rrugëtimin tonë për qeverisje të mirë dhe në përmbushjen e zotimeve tona të përbashkëta”, ka thënë ai.
Postimi i plotë i tij në Facebook:
Qeverisja komunale e Prizrenit përballet me shumë sfida, por të gjitha këto do t’i kalojmë me punë, përkushtim, etikë dhe vendimmarrje të drejtë e të bazuar në ligje.
Përkundër bllokimit të shumë projekteve nga ana e institucioneve të papërgjegjshme, Komuna e Prizrenit është ndër më të suksesshmet në përmbushjen e premtimeve qeverisëse.
Pjesë e suksesit të Komunës sonë janë edhe drejtorët Osman Hajdari dhe Ehat Oreshka, andaj unë do të vazhdoj me ata rrugëtimin tonë për qeverisje të mirë dhe në përmbushjen e zotimeve tona të përbashkëta. /PrizrenPress.com/