Kryetari i Prizrenit, Mytaher Haskuka, bashkë me kreun e Lëvizjes Vetëvendosje, Albin Kurti, kanë vizituar sot Gjimnazin “Loyola“ në Prizren dhe rrjetin e institucioneve të shkollës sonë- Shkollën Fillore „Loyola“, Qendrën Edukative „Loyola-Tranzit“ dhe projektin më të ri, „Loyola-Profesionale“.
Drejtori ekzekutiv i “Loyola-Gymnasium”, dr. Axel Bödefeld, i njoftoi mysafirët mbi ecurinë e procesit eduativo-arsimor në të gjitha nivelet dhe punën e palodhshme të Qendrës Edukative „Loyola-Tranzit“, që po hapë rrugët e shpresës dhe edukimit për komunitetin RAE, si dhe për punët përgatitore për hapjen e Shkollës Profesionale.
Mysafirët shprehën konsideratat e tyre për punën dhe rezulatet e deritanishme të shkollës sonë dhe gatishmërinë për të dhënë kontributin e tyre në këtë drejtim.