Kontejnerët e rinj, të cilët ishin vendosur ditë më parë në Prizren, janë bërë “shkrumb e hi” nga persona të pandërgjegjshëm.
Kryetari i Prizrenit, Mythaer Haskuka, ka reaguar ndaj këtij veprimi.
Ai, ka ftuar qytetarët që t’i lajmrojnë rastet e tilla.
“Pa u bërë as një javë nga vendosja e kontejnerëve të rinj, persona dashakeq ia kanë vënë zjarrin një aseti të qytetit. Rasti është lajmëruar në polici, ndërsa keqbërësit do të dënohen. Kontejnerët janë pronë e qytetit, pronë e jona e përbashkët”,shkruan Haskuka në Facebook.
“Çdokush që dëmton pasurinë e qytetit do të dënohet. Lusim qytetarët për bashkëpunim, të na lajmërojnë ose inçizojnë raste të tilla në Qendrën e Thirrjeve (0800 19 200)”.
“Çdo tentim i shkatërrimit të pronës publike do të konsiderohet sulm i drejtpërdrejtë ndaj Prizrenit”./PrirenPress.com/