Kandidati i LDK-së për kryetar të Prizrenit, Hatim Baxhaku, ka premtuar se do të angazhohet për zgjidhjen e problemit të rrugës së Tranzitit në Arbanë.
“Në kohë të shkurtër do angazhohem që kjo rrugë të përfundojë sa më shpejtë , në bashkëpunim me komunitetin duke respektuar dhe kompensuar pronën për pronarë”, premtoi Baxhaku.
“Po ashtu do kërkoj që organet e drejtësisë të japin rrugë kontesteve pronësore sa më shpejteë në mënyrë që ky projekt të vihet në shërbim të qytetarëve, i cili edhe do shkarkonte tollovitë e makinave në Prizren”.
“Ky projekt i përuruar në vjeshtën e vitit 2015 nga kryetari në ikje Muja , sot kësaj dite ka mbetur i papërfunduar si pasojë e neglizhencës të autoriteteve komunale për zgjidhjen e kontestit pronësor”. /PrizrenPress.com/