Në mbledhjen e mbajtur nga qeveria Shqiptare dhe ajo Kosovare më datë 20 qershor 2022 një ndër vendimet e marra ishte heqja e pikës kufitare të Morinës për sezonin turistik.
Kështu turistët do ta kenë më të lehtë të shkojnë nga Kosova në Shqipëri dhe anasjelltas pa krijuar kolona të gjata në kufi.
Kryeministri i Shqipërisë Edi Rama ka postuar një video në Facebook ku ndan periudhat se si ka qenë pika kufitare dhe si është në ditët e sotme.
Në mbledhjen e përbashkët mes dy qeverive u miratuan 16 marrëveshje bashkëpunimi që kishin të bënin që nga ekonomia, tek shëndetësia dhe siguria mes dy vendeve.