Hetime për një vjedhje në Suharekë: Publikohet fotografia e të dyshuarit

Sektori i Hetimeve të Stacionit të Policisë në Suharekë po zhvillon hetime lidhur me veprën e “Vjedhjes e rëndë”.

“Më datë 14.12.2023, rreth orës 12:00, në Rr. “Mulla Nura” në Suharekë, në lokalën “Halili Agentur”, një vjedhje e rëndë ka ndodhur. Vlera e sendeve të vjedhura arrin 6000 euro”, njofton policia.

“Eli –Edona”, mobilieria me oferta më të mira në Prizren

Nga video-regjistrimet e kamerave të sigurisë, është siguruar një fotograf i të dyshuarit. Megjithatë, deri tani nuk është arritur të identifikohet ai.

“Me qëllim të ndriçimit të rastit, Prokuroria Themelore në Prizren ka marrë autorizimin për publikimin e fotografisë së të dyshuarit në mediumet televizive dhe media sociale. Kërkohet bashkëpunim dhe ndihmë nga qytetarët për të ofruar informacione që do të ndihmonin në identifikimin dhe arrestimin e të dyshuarit”.

“Kërkojmë bashkëpunim nga të gjithë qytetarët. Nëse keni çfarëdo informacioni apo diçka për vendndodhjen e të dyshuarit në fotografi, ju lutemi të raportoni tek policia në Suharekë, në numrin 192, ose në cilindo stacion të policisë në Kosovë”./PrizrenPress.com/