Zyra për Komunikim me Publikun e Lidhjes së Historianëve të Kosovës “Ali Hadri” dega në Deçan, njofton se Kryesia e Lidhjes së Historianëve të Kosovës “Ali Hadri” dega në Deçan, nëpërmjet kësaj komunikate për media, i benë thirrje Qeverisë së Republikës së Kosovës dhe Komisionit shtetëror të Kosovës e Shqipërisë, që eshtrat e heroi kombëtar, gjeneralit të Pavarësisë së Shqipërisë Isa Boletini, të qëndroj për disa orë para shtatores së Isa Boletinit në Isniq të Deçani.
Kryesia e LHK “Ali Hadri” dega në Deçan, mbështet idenë e disa intelektualëve të Isniqit që eshtrat e Isa Boletinit të qëndrojnë për disa orë para shtatores në Isniq, ku qytetarët e Isniqit dhe të Komunës së Deçanit të kenë mundësi që të kryen nderim për jetën dhe kontributin e madh të Isa Boletinit për shtetit shqiptar. Dihet historikisht që nga ky vend dolën edhe të parët e Isa Boletinit në vitin 1750.
Kryesia e LHK “Ali Hadri” dega në Deçan, shprehet e përkushtuar që cermonit në nderim të gjeneralit të Pavarësisë së Shqipërisë të kalojnë me aktivitete të shumta.
Me poshtë po ju përcjellim edhe mesazhin e historianit Mr.Shkodan Imeraj asistent në Institutin e Historisë në Prishtinë :
“Në kuadër të ceremonive për rivarrimin e eshtrave të heroit kombëtar Isa Boletini, është e udhës që eshtrat e tije dhe të Januz (Ahmet) Boletinit të qëndrojnë për disa orë edhe në Isniq të Deçani, ngase aty me 1750 Hajdar Dema (katërgjyshi i Isa Boletinit), u largua në drejtim të Brrakav të Isniqit (pjesa malore) e me pas, pas shumë lëvizjen me në fund u vendos në Boletin të Mitrovicës.
Isa Boletini, çdo herë ka qenë i lidhur me Isniqi, kjo argumentohet edhe me rastin e organizimit dhe mbajtjes së Kuvendit të Parive në Isniq në mars-prill 1910 në Kullën e Osdautaj. Nga aty u morr vendimi për pajtimin e Gjaqeve të Verrat e Llukës dhe fillimin e Kryengritjes së vitit 1910.
Po ashtu Isa Boletini, ka pasur edhe me qindra luftëtar në qetat e tijë të cilët ishin nga Isniq. Edhe me rastin e vrasjes në Mal të Zi, bashk me të u vra edhe Misin Bala nga Isniq.
Isniqasit, gjithmonë e kanë nderuar dhe respektuar figurën madhore të Isa Boletinit, andaj edhe Komisioni ndër shtetëror i Republikës së Kosovës dhe Republikës së Shqipërisë, është mirë që të vendosin që eshtrat e Isa Boletinit të pushojnë për disa orë para shtatores së tije në Isniq të Deçani