Sot në Fushë Arrëz të Shqipërisë janë bërë homazhe në prag të përkujtimit të aksidentit të ndodhur 15 vjet më parë (14 tetor 2004), ku humbën jetën 15 maturantë gjimnazist nga Malisheva, përderisa po ktheheshin nga ekskursioni i organizuar nga ana e shkollës së tyre.
Në këto homazhe mori pjesë një delegacion i gjerë nga Komuna e Malishevës dhe Bashkia e Fushë Arrëzit.
Në vendin ku ndodhi aksidenti janë vendosur lule dhe janë bërë nderime para lapidarit të ngritur, ndërsa të hënën, më 14 tetor, do të përkujtohen dhe do të bëhen homazhe në varrezat ku janë të varrosur 15 maturantët gjimnazistë të Malishevës.
