Shkrimtari kolumbian, Gabriel Garsia Merkez, fitues i Çmimit Nobel për Letërsi më 1982, është dërguar në spital në Meksiko Siti. Markez, 87 vjeç, po trajtohet për infeskion të mushkërive dhe të traktit urinar, kanë thënë zyrtarët meksikanë, duke shtuar se gjendja e tij është stabile.
Gonzalo, djali i autorit, thotë se nuk ka asgjë për tu shqetësuar dhe se pritet që autori i madh të kthehet në shtëpi javën tjetër.
“Ai nuk është në dhomë emergjente, është në dhomë normale dhe shpejt pritet të kthehet në shtëpi” ka thënë Gonzalo.
Mediet meksikane megjithatë kanë njoftuar se Garcia Marquez është hospitalizuar për infeksion mushkërish, ndërsa ka pasur rrezik nëse ky hospitalizim ndodh me faktin që autori jo pak herë ka pasur probleme edhe kujtesën e tij.
Garcia Marquez për herë të fundit publikisht u paraqit më 6 mars të këtij viti kur doli nga shtëpia për t’i përshëndetur gazetarët që kishin shkuar ta vizitonin me rastin e 87 vjetorit të lindjes.
Merkez konsiderohet si njëri nga autorët më të mëdhenj në gjuhën spanjolle., ndërsa veprat e tij janë ndër më të përkthyerat. Novela “100 vjet vetmi” është shitur në më shumë se 30 milionë kopje në gjithë botën.