15.8 C
Prizren
E martë, 21 Maj, 2024

Hoti në Malishevë: Do të qeverisim me duar të pastra

AvdullahHoti-LDKKrahas drejtuesve të Degës së LDK-së së Malishevës, Januz Kastratit, Rrahim Morinës, Sami Kafexhollit e Ramadan Buzhalës, në aktivitetin e tyre për shpalosjen e programit qeverisës të LDK-së në Banjë, ishin edhe prof.dr. Avdullah Hoti, anëtar i kryesisë qendrore të LDK-së dhe koordinator i grupit të ekspertëve të ekonomisë, si dhe anëtari tjetër i kësaj kryesie, e njëherësh deputet i LDK-së në Kuvendin e Republikës së Kosovës, Salih Morina.

Duke shpjeguar pjesë nga siç tha shtyllat kryesore të draftprogramit të LDK-së, profesori Avdullah Hoti, tha se janë në të tilla bashkëbisedime me anëtarësinë e LDK-së në Degë e Nëndegë, që të shpalosim programin qeverisës për vitet 2014 – 2022. Oferta jonë qeverisëse është mirëpritur nga qytetarët, pasi që ky është program që i prek nevojat e qytetarëve, vazhdoi ai dhe tërhoqi vëmendjen se “që nga viti 2007, e deri tani, situata e vendit është degraduese, pasi që është rritur shkalla e korrupsionit, është rritur edhe më shumë papunësia e varfëria, nuk ka sundim të ligjit e të rendit etj.”. Profesori Universitar Hoti u zotua se me qeverisjen e drejtuar nga LDK-ja, “do të qeverisim me duar të pastra, do ta ndërrojmë modelin e qeverisjes, do i japim më shumë përparësi zhvillimit ekonomik e të sektorit privat”,transmeton botapress.

Ai me këtë rast veçoi katër shtyllat kryesore të programit qeverisës të LDK – së, : si zhvillimin ekonomik, arsimin, shëndetësinë dhe sundimin e ligjit. Oferta e LDK-së për qeverisjen e ardhshme e të përgjegjshme tetë vjeçare, është oferta më serioze për të ardhmen e qytetarëve të Republikës së Kosovës. Me programin qeverisës të LDK-së, Kosova, do të ketë kthim të normalitetit në vend, nga stërkeqja e deritashme qeverisëse, zhvillim të hovshëm ekonomik, zhvillim të biznesit privat, sundim të ligjit dhe të rendit, ulje të shkallës së papunësisë, ndalje të migrimit të të rinjve, ulje të ndjeshme të shkallës së varfërisë, arsimim e shëndetësi të mirëfilltë etj.

“Zhvillimin ekonomik, LDK-ja e sheh përmes sektorit privat e jo publik, por bujqësia do të ketë prioritet, meqë mbi gjysma e popullsisë së Kosovës merret me bujqësi dhe ky sektor ka mundësi të mëdha për t’i shërbyer zhvillimit ekonomik të vendit”, tha Hoti.

Më Shumë

Dita Ndërkombëtare e Muzeve: QRTK në Prizren dhe OJQ Educo lidhin memorandum bashkëpunimi

Me rastin e shënimit të 18 majit, Ditës Ndërkombëtare të Muzeve, Qendra Rajonale për Trashëgimi Kulturore në Prizren dhe OJQ Educo kanë nënshkruar një...

Interesim i madh për t`u regjistruar në Prizren

Një ditë para përmbylljes së procesit të Regjistrimit të Popullsisë, në Prizren ka interesim shumë të madh të qytetarëve për t`u regjistruar.   Në ndërtesën e...

Lajmet e Fundit