23.8 C
Prizren
E martë, 16 Gusht, 2022

Hoxhaj kërkon përkrahjen e mëtejshme të Çekisë

Hoxhaj-KmonicekMinistri i Punëve të Jashtme i Kosovës, Enver Hoxhaj, ka pritur të premten Hynek Kmoní?ek, drejtor i Departamentit për Punë të Jashtme në Zyrën e Presidentit të Republikës Çeke.

Gjatë takimit, Hoxhaj e ka njoftuar Kmonícek për progresin që po arrihet në Republikën e Kosovës, fuqizimin e vazhdueshëm të shtetësisë dhe të subjektivitetit ndërkombëtar.

Duke iu referuar hapjes së negociatave për Marrëveshjen e Stabilizim Asociimit, Hoxhaj veçoi angazhimin e fuqishëm të Qeverisë së Kosovës për përmbushjen e kritereve evropiane, dhe integrimin e plotë të Kosovës në Bashkimin Evropian.

Hoxhaj po ashtu tha se Kosova çmon rolin e Republikës Çeke në kontributin e saj për zgjerimin e BE-së, duke kërkuar mbështetje të mëtejshme në proceset integruese evropiane të Kosovës.

Drejtori i Departamentit për Punë të Jashtme në Zyrën e Presidentit të Republikës së Çekisë, Hynek Kmonícek, vlerësoi të arriturat në Kosovë, duke shprehur përkrahjen e Çekisë për proceset në Kosovë.

Hoxhaj dhe Kmonícek kanë biseduar edhe për mundësitë e thellimit të bashkëpunimit bilateral ndërmjet dy shteteve./PrizrenPress.com/

Më Shumë

Talibanët një vit më vonë: Vajzat e zhdukura të Afganistanit

Për 20 vitet e fundit, gratë kishin luajtur një rol vendimtar në ndërtimin e një Afganistani të ri. Ato ishin anëtare të gjyqësorit, punonjëse...

Darwin Nunez “alla Zidane”, e godet kundërshtarin me kokë dhe përjashtohet nga loja

Darwin Nunez ka qenë protagonist tek Liverpooli mbrëmë. Jo për ndonjë paraqitje solide, por në aspektin negativ, shkruan “Gazeta Express”. Sulmuesi i ri i “Reds” ua...

Lajmet e Fundit