34.8 C
Prizren
E enjte, 18 Gusht, 2022

Sylejman Selimit dhe të tjerëve edhe dy muaj paraburgim

SulejmanSelimi5-25Vazhdon befasia e EULEX-it për Komandantët dhe ushtarët e UÇK-së. Thuajse çdo të premte dhe para çdo fundjave njofton risi. Sot kryetari i trupit gjykues Z. Dariusz Sielcki ka komunikuar me aktvendimin me të cilin ka vazhduar paraburgimin edhe për dy muaj, deri më 23 janar 2014, të Sylejman Selimit, Sami Lushtakut, Sahit Jasharit, Avni Zabelit, Hysni Thaçit, Jahir Demakut dhe të Zeqir Demakut, thotë avokati i Sylejman Selimit, Tomë Gashi.

“EULEX-i me këtë vendim po dëshmon se përveç vendimeve tepër të ashpra, joligjore, jo të drejta dhe fyese për ish-komandantin e Shtabit të Përgjithshëm të UÇK-së dhe të bashkëluftëtarëve të tij, është duke provuar ta amortizoj mllefin kundër këtyre vendimeve duke i marrë të premteve dhe ditëve të vikendit për të zbutur padrejtësinë e hapët ndaj këtyre vendimeve shokuese”, i deklaroi pak më parë Koha.netit avokati Tom Gashi.

Nga 31 maji, këta ish-komandantë dhe ish ushtarë të UÇK-së po mbahen në paraburgim me dyshime për involvim në kryerjen e veprave penale- krime lufte kundër popullatës civile gjatë vitit 1998.

Ushtria, policia dhe paramilitarët serbë gjatë vitit 98-99 vranë dhe masakruan rreth 15 mijë civilë shqiptarë dhe dogjën gjysmën e Kosovës. Për gjitha këto, në fakt asnjë serbë nuk është duke mbajtur dënimin qoftë edhe për një viktimë, tha ai.

Gashi tha se mbrojtja e këtyre të paraburgosurve do të ankohet.

Tomë Gashi është avokat i Sylejman Selimit.

Më Shumë

Prizren, dy raste të dhunës në familje

Policia e Kosovës ka njoftuar se të dielën në Prizren një viktimë femër kosovare ka raportuar në polici se është sulmuar fizikisht nga bashkëshorti...

Sulmohen me thikë, dy persona lëndohen në Prizren

Dy meshkuj kosovarë kanë pësuar lëndime trupore pasi janë sulmuar me thikë nga persona të panjohur, shkruan PrizrenPress Sipas policisë, rasti ka ndodhur gjatë mbrëmjes...

Lajmet e Fundit