Ministri i Punëve të Jashtme, Enver Hoxhaj, ka thënë se janë duke u bërë përpjekje që Kosova të kyçet në projektin e gazsjellësit Trans-Adriatik (TAP).
Ai ka thënë se që nga bërja publike e këtij projekti, kryeministri i Kosovës, Hashim Thaçi, dhe ai personalisht, janë angazhuar në takime të ndryshme me Shqipërinë dhe me qeveritë e shteteve të BE-së – të cilat janë aksionarë në këtë projekt – që edhe Kosova të përfshihet në TAP,shkruan Epoka e re.
Hoxhaj ka thënë se Kosova duhet të jetë vendkalim i këtij burimi të rëndësishëm natyror.
“Kyçja e Kosovës në TAP do të krijonte të ardhura vjetore të qëndrueshme. Në rrafshin ekonomik do t’i sillte Kosovës diversitet në burimet energjetike dhe padyshim se qytetarët e Kosovës do të kishin çmime më të ulëta të furnizimit me energji nëpërmjet këtij gazi”, ka thënë Hoxhaj.