Kandidati për deputet, Enver Hoxhaj nga Partia Demokratike e Kosovës (PDK) ka qëndruar gjatë ditës së djeshme në Therandë.
Hoxhaj ka marr pjesë në natën përmbyllëse të Festarit. Ai ka thënë se ky festival tregon se Kosova ka një shoqëri moderne dhe evropiane.
“Sonte pata kënaqësinë të marr pjesë në natën përmbyllëse të Festarit. Një festival që tregon qartë se Kosova ka një shoqëri moderne dhe evropiane si për nga gjeografia, ashtu edhe nga kultura, e veçmas kultivimi i verës. Urime qytetit tim, Therandës, që vazhdon të jetë shembull i mirë se si Kosova kultivon vlera të mirëfillta perëndimore”, ka thënë Hoxhaj.
“Në Bllacë të Therandës u takova me shumë mbështetës të PDK-së dhe i falenderova për gatishmërinë e tyre të bëhen pjesë e platformës së PDK-së për ndërtimin e së ardhmes së tyre dhe të shtetit”, ka shkruar Hoxhaj, në llogarinë e tij në Facebook.
Tutje Hoxhaj ka thënë se “Gjithmonë kanë mbështetje ndaj PDK-së qytetarët e vendlindjes time, në fshatin Peqan të Therandës. Çdo herë mirënjohës për përkrahjes së tyre”. /Insajderi.com