23.8 C
Prizren
E premte, 19 Gusht, 2022

Jacobson: Partitë do të jenë përgjegjëse për incidentet

Jacobson-ambasadore amerikaneBashkësia ndërkombëtare do të ndjekë të dielën zgjedhjet e balotazhit. Ambasadorja amerikane në Kosovës, Tracey Ann Jacobson, duke vlerësuar si sukses zgjedhjet e 3 nëntorit, beson se e njëjta duhet të ndodhë edhe më 1 dhjetor.

“Partitë politike do të jenë përgjegjëse për incidentet që mund të ndodhin ditën e votimit”, ka thënë ajo për emisionin Rubikon të KTV-së. “Kërcënimet dhe kanosjet janë të papranueshme. Kam kërkuar nga udhëheqësit politikë që të flasin me njerëzit në terren, sepse ata në fund do të mbahen përgjegjës për gjithçka”.

Për premtimet milionëshe të dhëna gjatë fushatës, ambasadorja amerikane ka thënë se votuesit duhet ta dinë se kjo shumë kalon totalin e buxhetit të Kosovës.

Duke mos dashur të spekulojë për fituesin e Prishtinës, Isa Mustafën apo Shpend Ahmetin, ajo ka thënë se cilido që të jetë kryetar i Prishtinës, ai do të ketë bashkëpunim me të.

Jacobson çmon dialogun Prishtinë-Beograd, ndërsa thotë se mbetet ende shumë punë për implementimin e marrëveshjeve. Ndërkaq, duke thënë se nuk varen nga amerikanët zgjedhjet parlamentare, ajo ka thënë se ato nuk duhet të mbahen para përfundimit të reformave zgjedhore.

Më Shumë

Sot nis edicioni i 40-të i Seminarit Ndërkombëtar për Gjuhën, Letërsinë dhe Kulturën Shqiptare

Edicioni i 40-të i Seminarit Ndërkombëtar për Gjuhën, Letërsinë dhe Kulturën Shqiptare pritet të fillojë sot më 15 gusht. Hapja solemne e këtij edicioni jubilar...

Hoqi flamurin turk, shqiptari bëhet “hero” nga mediat greke: Patriot i vërtetë!

Gjesti i pushuesit shqiptar që hoqi flamurin turk nga një kullë vrojtimi në Gjirin e Lalzit dhe më pas e hodhi në det, është...

Lajmet e Fundit