8.8 C
Prizren
E mërkurë, 28 Shkurt, 2024

Jahjaga refuzon kërkesën e Haradinajt për zgjedhje të parakohshme

Atifete jahjagaPresidentja e Kosovës, Atifete Jahjaga thotë të ketë marr parasysh letrën të cilën i dërgoi kryetari i Aleancës për Ardhmërinë e Kosovës, Ramush Haradinaj, por se nuk ka hapësirë për thirrjen e zgjedhjeve të parakohshme.

Haradinaj i kishte dërguar dje presidentës një letër ku i kishte shpjeguar gjendjen politike, duke vlerësuar se duhet shpallur sa më parë zgjedhjet për të tejkaluar këtë situatë.

“Siç e dini, shpallja e mbajtja e zgjedhjeve të rregullta të përgjithshme është e rregulluar me Kushtetutën dhe ligjet e Republikës së Kosovës, respektivisht nenit 66 dhe nenit 4 të Ligjit Nr. 03/L-073 për Zgjedhjet e Përgjithshme, ndërkohë që në rast të nevojës për shpalljen dhe mbajtjen e zgjedhjeve të parakohshme, procesi rregullohet në bazë të neneve 82 dhe 66 të Kushtetutës, dhe nenit 4 të Ligjit për Zgjedhjet e Përgjithshme”, thuhet në përgjigjen që presidentja Jahjaga i dërgoi Haradinajt.

Presidentja e shtetit i ka falënderuar megjithatë kryetarit të AAK-së për letrën e dërguar, dhe për vlerësimet rreth situatës dhe zhvillimet politike në vend, të cilën thotë se “e kam marrë parasysh dhe shqyrtuar”.

“Duke ju shprehur konsideratat e larta, ju falenderoj për bashkëpunimin dhe mbes e përkushtuar ndaj përmbushjes së rolit tim kushtetues që bashkarisht të punojmë në funksionimin demokratik të institucioneve të Republikës së Kosovës”, thuhet në përgjigjen dërguar kreut të AAK-së të martën.

Më Shumë

Miratohet në lexim të dytë projektligji për rregullat e trafikut rrugor

Është miratuar sot në shqyrtim të dytë projektligji nr. 08/L-186 për rregullat e trafikut rrugor. Për miratimin e këtij projektligji votuan 61 deputetë. https://prizrenpress.com/banesa-ne-shitje-nga-renelual-tahiri/

Liria e Fushë-Kosova / Pa gola

Dueli i skuadrave që gjenden në zonën e rrezikshme mes Lirisë dhe Fushës Kosovës është mbyllur pa gola. Prizrenasit ndodhen në vendin e fundit me...

Lajmet e Fundit