Shoqëria Kulturore Artistike “Jehona” në Suharekë, ka organizuar koncert për nder të Ditës së Flamurit.
Koncerti nuk është mbështetur nga Komuna e Suharekës.
Anëtari i “Jehonës” Ymer Bajraktari tha se i janë drejtuar me kërkesë për mbështetje financiare Drejtorisë së Kulturës, mirëpo nuk kanë marrë përgjigje’
“Programi është realizuar me mjetet tona vetanake”, tha Bajraktari, për Therandapost.
Refki Gollopeni nga Drejtoria e Kulturës, ndërkaq i kontaktuar nga TherandaPost, tha se aktivitetet e tilla kulturore tashmë janë përgjegjësi organizative e kompanisë, e cila e ka fituar tenderin.
“Nuk kemi të drejt, t’i përzihemi se cilën shoqëri kulturore e zgjedh në këtë rast”, tha ai.
Astrit Berisha nga kompania, e cila ka fituar tenderin “Gorenje Univerzal” tha se ka angazhuar Shoqërinë Kulturor Artistike “Dardanët” nga Samadraxha.
” Në specifikacionin e përshkruar nga Drejtoria e Kulturës thuhet se më 28 Nëntor në organizim, të përfshihet vetëm një shoqëri kulturore lokale dhe unë kam marrëveshje me Shoqërinë Kulturore Artistike “Dardanët” nga Samadraxha, të cilët do ta mbajnë koncertin më 27 Nëntor. Sikur ata ta kishin cekur se mund të marr edhe më shumë, sigurisht se do të përfshihej edhe Shoqëria Kulturore Artistike “Jehona”./PrizrenPress.com/