16.8 C
Prizren
E martë, 16 Gusht, 2022

Jennifer Lopez dhe Ben Affleck thuhet se po planifikojnë për një festë më të madhe pas dasmës në Las Vegas

Jennifer Lopez dhe bashkëshorti i saj, Ben Affleck, kanë në plan të organizojnë një ‘festë më të madhe’ për të kremtuar martesën e tyre, pas ceremonisë në Las Vegas të dielën.

Aktorja 52-vjeçare, e cila gjithashtu ka ditëlindjen këtë fundjavë, njoftoi martesën e saj me Affleck në një postim në buletin për abonentët.

“Ne e bëmë atë. Dashuria është e bukur. Dashuria është e mirë. Dhe rezulton se dashuria është e durueshme. Njëzet vjet durim”, shkroi ajo.

Foto: Jennifer Lopez/ OntheJLo.com

Çifti udhëtoi për në Nevada të shtunën, mori një licencë martese dhe u largua për në destinacionin e njohur të Vegas Strip për të thënë zotimet e tyre dhe për t’u bërë ‘burrë e grua’.

Një burim i tha revistës People se çifti tani “planifikon të ketë një festë më të madhe në mënyrë që të mund të festojnë me familjen dhe miqtë”.

Historia e dashurisë së Jennifer Lopez dhe Ben Affleck - dashuria fitoi sërish pas dy dekadash

“Ata nuk e kanë planifikuar ende një muaj mjalti. Jennifer thotë se çdo ditë me Benin është një muaj mjalti”, thotë më tej një i brendshëm.

Sipas TMZ, Lopez dhe Affleck raportohet se po organizojnë një “party” në një shtëpi që ai zotëron në Riceboro, Georgia.

Foto: Getty Images

Affleck thuhet se e bleu pronën për 7 milionë dollarë në vitin 2003 kur u fejua për herë të parë me Lopez.

Ben dhe Jen u fejuan fillimisht në vitin 2002 dhe kishin plane të martoheshin në shtator 2003, por e shtynë dasmën dhe përfundimisht e ndërprenë lidhjen e tyre në janar 2004.

Foto: Getty Images

Ata rindezën romancën e tyre në prill 2021 dhe shpallën fejesën në fillim të këtij viti. /Telegrafi/

Më Shumë

Amaneti i Gjergj Fishtës

Hylli i Dritës u themelua në vitin 1913 nga atë Gjergj Fishta bashkë me françeskanët e tjerë. Në gjithë ekzistencën e vet, Hylli i...

Prizren, 2 vite burgim dhe 2 mijë euro gjobë pasi pranoi se kontrabandoi 30 shtetas sirianë

 Kushtrim Elezkurtaj është dënuar me 2 vite burgim efektiv dhe 2 mijë euro gjobë, pasi e ka pranuar fajësinë se ka kontrabanduar 34 migrantë...

Lajmet e Fundit