13.8 C
Prizren
E enjte, 28 Mars, 2024

Pasiguri për Bremer, Inter-i i kthehet pistës Demiral

Ish-futbollisti i Juventus-it, Merih Demiral, është bërë një nga objektivat e skuadrës së Inter-it për përforcimin e repartit të mbrojtjes.

Zikaltrit janë në urgjencë për një mbrojtës, pasi me shumë gjasë kapiteni i tyre, Milan Skriniar, do të largohet në drejtim të Paris Saint Germain.

Nënkampionët e Italisë ishin favorit për ta transferuar Geison Bremer nga skuadra e Torinos, por punët i komplikoi Juventus-i të cilët tashmë janë në bisedime më të avancuara me mbrojtësin brazilian.

Në këtë mënyrë, drejtuesit e Inter-it po kërkojnë transferimin e Demiral, i cili aktualisht është pjesë e Atalanta-s.

 

Mediat në Itali shkruajnë se tek Inter-i ende besojnë për transferimin e Bremer, por ata dëshirojnë ta kenë edhe si opsion të dytë mbrojtësin e kombëtares së Turqisë.

24-vjeçari iu bashkua Atalanta-s në këtë verë për 20 milionë euro, derisa në sezonin e kaluar ai luajti i huazuar te skuadra bergamaske.

Ndërkohë, atë e kishte blerë Juventus-i në vitin 2019 nga Sassuolo për 19.5 milionë euro, por ai luajti vetëm për një sezon me fanellën bardhezi.

/Albanianpost.com

Më Shumë

Bashkimi i shkon Trepçës, dy rivalët e vjetër pritet të sjellin basketboll cilësor

Sot zhvillohen dy përballje interesante në Superligën e Basketbollit kosovar. Ndeshjet janë të vlefshme për javën e 27-të të PrinceCaffe Superligës. Dita nis me derbin mes...

Sot mot me diell e me vranësira

Të dielën mbrëma pati mot me shi, ndërkaq në disa zona ra edhe borë. Ndërkaq, gjatë ditës së sotme pritet të mbajë mot me diell...

Dhimbja

Lajmet e Fundit