Njëra ndër aktoret e famshme, e cila po ashtu mban epitetin e një prej femrave më të bukura në Hollywood, Jessica Alba, ka treguar se për vajzat e saj, ajo është vetëm nëna e tyre. Ndër të tjera Alba ka zbuluar se ato madje as nuk e dinë se nënën e kanë aktore
Edhe përkundër asaj që është ndër emrat më të njohur në botë në industrinë e filmit, aktorja Jessica Alba për magazinën ‘E!’ ka zbuluar se vajza e saj e madhe Onor, ende po mundohet të kuptojë se si fiton nëna e saj të hollat.
“Ajo ende po mundohet të kuptojë me çfarë merrem unë, pasi që unë asnjëherë nuk i flas për punën time. Kur vjen në zyrën time në ‘The Honest Company’, ajo gjithmonë thotë, do të thotë këtu punon nëna ime”, ka deklaruar aktorja e cila është nënë e dy vajzave.
Ndonëse dy vajzat e saj ende nuk janë të vetëdijshme për famën e nënës së tyre, Jessica thekson se është e lumtur se asnjëra nga vajzat e saj nuk ka shfaqur dëshirë të merret me art. “Falënderoj zotin që asnjëra nga vajzat e mia nuk ka shprehur dëshirë të punojë me art”, është përgjigjur aktorja në pyetjen e gazetarit.
Ndryshe vlen të përmendet se njëra ndër femrat më të bukura në botë, jo shumë kohë më parë e ka marrë titullin e nënës më të mirë e më të përkushtuar në Hollywood.