Pirlo nuk do të vazhdojë te Juventus-i sezonin e ardhshëm, edhe nëse bardhezinjtë arrijnë kualifikimin në Champions.
Forma e dobët, të cilën ka kaluar klubi gjatë gjithë këtij sezoni, e ka bërë të pamundur vazhdimësinë e Pirlo-s në stolin e “Allianz Stadium”-it.
Pas nëntë viteve me radhë si kampionë të Serisë A, Juventus-i këtë sezon rrezikon edhe pjesëmarrjen në Champions, kur kanë ngelur dhe pesë javë deri në fund.
Duke parë situatën dhe paraqitjet e luhatshme që bardhezinjtë kanë shfaqur këtë sezon, drejtuesit e klubit kanë vendosur të ndërpresin epokën “Pirlo”.
Epokë që zgjati vetëm një vit.
I riu do të jetë dikush i vjetër, dikush nga e kaluara. Massimiliano Allegri do të kthehet përsëri në krye të Juventus-it.
Andrea Agnelli thotë që ka ardhur koha që ky klub të kthehet te fitoret dhe zgjidhja më e mirë është Allegri.
Për rikthimin e tij, Allegri do të kërkojë mbështetje të madhe në merkato për përforcimin e skuadrës.
Por, synimi i të dy palëve është një: kthimi i Juventus-it në krye.
/Albanianpost.com