Kryetari i PDK-së, Kadri Veseli dhe kandidati për kryetar të Prizrenit, Shaqir Totaj , kanë vijuar aktivitetet elektorale edhe në disa fshatra të Hasit.
Takimet e radhës nga PDK në zonën e Hasit janë mbajtur në fshatrat, Planejë, Gorozhup, Mazrek, Kojushë dhe Gjonaj. Para të pranishmëve në këto takime, kryetari i PDK-së, Kadri Veseli, ka përmendur arsyet të cilat e kanë nxitur atë që të përzgjedh Shaqir Totajn, kandidat për kryetar të Prizrenit.
Ai ka thënë se bagazhi i tij në fushën e ekonomisë është besimi jonë më i madh tek ai se mund të vijojë suksesshëm për të avancuar proceset në shërbim të interesave jo vetëm të komunës së Prizrenit.
Ndërkaq, kandidati për kryetar të Prizrenit, Shaqir Totaj, tha se Hasi ka potencial të lartë në zhvillimin e sektorëve të rëndësishëm për mirëqenie më të lartë të banorëve, dhe sërish premtoi përkrahje të parezervë në rast të marrjes së besimit nga qytetarët në zgjedhjet e 22 tetorit.
Pjesë e këtyre takimeve ishin edhe kandidatët e PDK-së nga Hasi , të cilet pretendojnë ulëse në Kuvendin e ardhshëm të Prizrenit/tvprizreni/
