12.1 C
Prizren
E shtunë, 10 Maj, 2025

Kadriu: S’i kemi problem votat, do ta shihni në Kuvend

Thaci me margarita kadriunMargarita Kadriu, deputete e PDK-së, thotë se Gjykata Kushtetuese sot e ka bërë “super të qartë” se kush është grupi më i madh parlamentar.

Andaj ajo pret që në seancën në Kuvendin e Kosovës të hidhet në votim emri i një kandidati të PDK-së për kryetar të Kuvendit.

“Unë mendoj se duhet të kthehemi në seancën e Kuvendit, të votojmë kandidatin i cili është kandidat i grupit më të madh parlamentar, gjë që sot shumë qartë u tha, për të gjithë, i pëlqeu a si pëlqeu dikujt, është çështje që nuk ka relevancë në këtë rast, me rëndësi është që kandidati i Grupit më të madh Parlamentar do të hidhet në votim”, tha Kadriu në një intervistë për RTV21.

Kadriu thotë se PDK nuk i ka problem votat, dhe se kjo do të dëshmohet në Kuvend. Tha se janë të hapur dhe nuk kanë vija të kuqe për asnjë subjekt politik.

Ajo u shpreh kundër zgjedhjeve të reja në vend, mirëpo tha se “jemi të gatshëm si Parti Demokratike e Kosovës që cilido skenar që të jetë i përgatitur, do të thotë ne të shkojmë më tutje, me rëndësi është të krijohen institucionet dhe institucionet të krijohen me bazë, vullnetin e popullit”.

Më Shumë

Vrasja e 15-vjeçares në Prizren, Drejtoresha e Arsimit kërkon ndëshkim të ashpër për dorasin

Drejtoresha e Arsimit në Komunën e Prizrenit, Luljeta Veselaj-Gutaj ka reaguar lidhur me rastin e vrasjes së 15-vjeçares nga prindi i saj, duke kërkuar...

I moshuari që u gjet i djegur në veturë është babai i prokurorit Gashi në Prizren

Gjatë ditës së sotme, një 82 vjeçar është gjetur i vdekur në veturën e tij e cila ishte përfshirë nga flakët në fshatin Leshan...

Lajmet e Fundit