Zbulohen dhe sekuestrohen 20 kg lëndë narkotike kanabis sativa, gjatë natës së sotme në pikën kufitare të Kakavijës. Lënda narkotike u gjet në makinën tip ‘Citroen’ me targa IEM1162, e drejtuar nga shtetasi Vangjel Kananaj, nga Fieri.
Droga u zbulua e fshehur në dyshemenë e karrocës së lidhur pas automjetit, gjatë një kontrollit të kryer në vijën e dytë nga Policia Kufitare e Kakavijës. Lidhur me ngjarjen u arrestua 55-vjeçari, i akuzuar për trafik ndërkombëtar të lëndëve narkotike.
Lënda narkotike, automjeti dhe karroca u sekuestrua në cilësinë e provës materiale. Materialet i kaluan Prokurorisë së Krimeve të Rënda në Tiranë për veprën penale “Trafik ndërkombëtar të lëndëve narkotike”./Shekulli/