Hasime Daka është këngëtarja e vetme që i këndon vetëm dëshmorëve të kombit. Thotë se ndjehet mirë që i këndon atyre të ilet me gjak ia sollën lirinë Kosovës.
“Është privilegj i madh t’i këndosh dëshmorëve të kombit”.
Hasime Daka ka lindur në Mohlan të Therandës. Karrierën në këngë e ka filluar nga viti 1988. Për shkak rrethanave të ndryshme, ajo një kohë ka pushuar së kënduari.
Daka bashkë me vëllezërit ishte pjesëtare e luftës së UCK-së. Ajo evokon dhe kujton momentet kur vishej vetëm kuq e zi. Tregon se burri i saj, Fazli Daka, ka qenë ai që ka shtyrë t’i rikthehet muzikës.
“E bëj këtë në shenjë të dashurisë së babait, dhe respektin të asaj ëndrre të fëmijërisë”.
“Këngë i kam kushtuar komandant Tahir Sinanit, Xhavit Syljat dhe tetë dëshmorëve të tjerë. Këtë e bëj më mjetet dhe buxhetin e familjes“.
“Kur kam kënduar këngën e dëshmorit Xhavit Sylaj, dëshmor i komunë së Therandës me lot në sy më janë ofruar fëmijët e këtij dëshmori dhe më thanë “jemi të gëzuar për përkushtimin e këngës për babin tonë”.
“Burri im Fazliu më tha do ta shesim edhe shtëpinë nëse duhet, që të bëjmë këngë për dëshmorët”.
“Nuk dua nga kënga të përfitojmë, por këngën e duam sepse ajo ishte ëndrra ime”.
Hasime Daka është në përfundim të studimit master. Premton se nuk do të ndalet së kënduari për dëshmorët e kombit. /TV Besa/