Komandant i stacionit policor në Suharekë, Major Arsim Berisha, në takimin e rregullt javor të koordinimit për siguri lokale, ka thënë se policia po angazhohet për të siguruar lëvizje të lirë dhe të qetë nëpër ambientet shkollore.
“Për këtë ne kemi fotografuar të gjitha shkollat në Komunë dhe kemi hasur se në shumë ambiente shkollore mungojnë shenjat e trafikut”, tha Major Berisha.
Ai tha se kanë kërkuar nga autoritetet komunale që të vendosen shenjat e trafikut dhe të sigurohet qarkullim i lirë për nxënësit./PrizrenPress.com/