Gjykata e Apelit në Gjirokastër ka vendosur masën e sigurisë “arrest me burg” deri në përfundim të procesit gjyqësor për Agron Canen. Pas vendimit të Gjykatës së Sarandës, e cila la Canen në burg, Gjykata e Apelit në Gjirokastër ka marrë nën shqyrtim ankesën e bërë nga avokati i tij, Gjergj Ymeraj.
Cane nuk është paraqitur në gjykatë gjatë seances por është përfaqësuar nga avokati i tij. Mungesa e tij është argumentuar nga avokati me arsyen se Cane ndodhet në gjendje të rënduar shëndetësore.
Prej disa ditësh, ish-sekretari i deputetit socialist Koço Kokëdhima ndodhet i shtruar në urgjencën e spitalit të Sarandës, ku ndodhet nën kujdesin e mjekëve.