Prokuroria Themelore dhe Policia e Kosovës në Prizren, kërkojnë nga Komuna, që të vendosin kamera nëpër rrugët kryesore të këtij qyteti.
Kryeprokurori Sylë Hoxhaj thotë se kamerat do të ndihmonin në zbulimin e rasteve që eventualisht mund të ndodhin në rrugët e qytetit të Prizrenit.
“Kamerat ekzistuese në disa pjesë të qytetit janë në funksion dhe ndihmojnë shumë në ndriçimin e rasteve, por ato janë pak”, thotë Hoxha.
Zëdhënësi i Policisë në Prizren, Hazir Berisha thotë se kamerat aktuale janë duke i ndihmuar shumë policisë në ndriçimin e rasteve të ndryshme, që kanë ndodhur në këto vende.
“Shpresojmë se pas konsolidimit të qeverisjes së re të ekzekutivit, do të vendosen edhe kamerat e tjera në të gjitha rrugët e qytetit të Prizrenit”.
Kryetari i Prizrenit, Ramadan Muja vitin e kaluar pat premtuar se do të vendosë kamera në rrugët e qytetit të Prizrenit.
“Kërkesën e Prokurorisë për vendosjen e kamerave do të realizojmë shumë shpejt”, pat premtuar Muja.
Zëdhënësi i KK-së, Ymer Berisha thotë ndërkaq se kamerat nuk janë vendosur për shkak procedurave të Prokurorimit.
“Pas emërimit të drejtorëve të ri do të realizohet edhe ky projekt”, premton Berisha./PrizrenPress.com/