Kryetari i Komunës së Rahovecit, Smajl Latifi ka pritur sot Christian Zankl Olt, komandant i LMT-KFOR Austriak në Rahovec, me ç’rast u bisedua për bashkëpunim në mes të Komunës dhe LMT-KFOR, transmeton Koha.net.
Latifi e ka njoftuar komandantin Zankl për planet e tij për qeverisjen në katër vitet e ardhshme dhe u shpreh se do të jetë kryetar për të gjithë qytetarët pa dallime politike, thuhet në njoftim, kurse komandanti i LMT-KFOR Austriak në Rahovec, Christian Zankl Olt i ka ofruar bashkëpunim të vazhdueshëm, në të mirë të gjithë qytetarëve.