Komandanti i KFOR-it, gjeneralmajor Francesco Paolo Figliuolo, është zotuar se organizata që ai përfaqëson do të vazhdojë t’i mbështesë institucionet vendore për ruajtjen dhe sigurinë e objekteve të trashëgimisë fetare dhe kulturore.
Këtë zotim Figliuolo e ka dhënë sot gjatë takimit me ambasadorin Dimitris A. Moschopoulos, i cili është këshilltar i institucioneve të Kosovës për Trashëgiminë Fetare dhe Kulturore.
Ambasadori Moschopoulos ka shprehur vlerësimin e tij për angazhimin e KFOR-it në garantimin e mbrojtjes së vendeve me vlerë të lartë historike dhe kulturore në Kosovë.