Dhjetë persona u plagosën dhe pesë mbetën nën rrënoja në sulmet me raketa ruse gjatë natës në rajonin lindor të Donetskut të Ukrainës, tha të enjten ministri i brendshëm ukrainas, Ihor Klymenko.
Rusia gjuajti gjashtë raketa në tre vendbanime në rajon, shumica e të cilave janë të pushtuara nga forcat ruse, tha Klymenko në aplikacionin e mesazheve Telegram.
“Pokrovsk, Novohrodivka dhe Myrnohrad ranë nën zjarr. Granatimet plagosën 10 persona, duke përfshirë katër fëmijë. Pesë persona të tjerë po kërkohen nën rrënoja”, tha ministri.
Ai tha se mes viktimave ishte një familje me dy fëmijë dhe dy fëmijë 13-vjeçarë. Një bllok apartamentesh, nëntë shtëpi private, një stacion policie, makina dhe garazhe janë dëmtuar.
Klymenko tha se një ndihmës i policisë ndihmoi një burrë me një foshnjë të plagosur të dilte nga nën rrënoja.
Forcat pushtuese ruse kanë pushtuar pjesën më të madhe të Donetskut dhe Rusia ka thënë se synon të marrë nën kontroll të gjithë rajonin.
Ushtria ukrainase tha më herët të enjten, mbrojtja e saj ajrore rrëzoi 14 nga 20 dronë në një sulm rus gjatë natës, shkruan Reuters.
Asociation “Loyola-Gymnasium” shpall konkurs për një mësimdhënës/e të lëndës së matematikës