Lideri i Koresë së Veriut, Kim Jong Un ka bërë vizitën e tij të parë shtetërore prejse zuri vendin e babait të tij në postin e liderit të vendit komunist.
Kim Jong Un është takuar me presidentin e Kinës, Xi Jinping, derisa ka premtuar se do të mbajë edhe takimin historik me zyrtarët amerikanë për të diskutuar rreth denuklearizimit.
Pas dy ditësh raportimesh, Kina dhe Koreja e Veriut, kanë konfirmuar se Kim vizitoi Pekinin dhe u takua me Xin në atë që Ministria e Punëve të Jashtme të Kinës e ka quajtur vizitë jo zyrtare të tij.