Deri më sot, blogerja Kim Kardashian nuk e ka ndarë me publikun asnjë foto me të dashurin e saj të ri, komedianin Pete Davidson.
Vetëm pak ditë pasi u divorcua zyrtarisht nga reperi Kanye West, Kim ka ndarë në Instagram foton e parë me partnerin e ri.
Ndonëse prej disa muajsh janë në lidhje, motra më e famshme e familjes Kardashian padyshim që priste të divorcohej zyrtarisht për të ndarë me publikun momente intime me partnerin e ri.
Ajo në rrjetin social ka publikuar sot disa fotografi nga një ndejë me të dashurin e saj. Padyshim ky postim nuk do t’i ketë pëlqyer ish-bashkëshortit, reperit Kanye West, i cili e ka bërë të qartë haptas se nuk po kalon një fazë të mirë pas ndarjes.