Koalicioni i OJQ-ve për Mbrojtjen e Fëmijëve në Kosovë ndanë çmimet vjetore për tregimet më të mira në media në fushën e mbrojtjes dhe të drejtave të fëmijëve në Kosovë për vitin 2014.
KOMF në emër të misionit për mbrojtjen dhe avokimin për të drejtat e fëmijëve në Kosovë inkurajon të gjithë gazetarët që kanë shkrime apo reportazhe televizive që trajtojnë çështjet që kanë të bëjnë me të drejtat dhe mbrojtjen e fëmijëve në Kosovë, të aplikojnë për dy çmimet që ndanë.
Çmimi i parë në vlerë prej 500 euro do t’i ndahet shkrimit më të mirë të botuar në gazetë/portal, ndërsa çmimi i dytë, po me vlerë prej 500 euro, do t’i ndahet reportazhit më të mirë televiziv.
Konkurruesit duhet t’u përmbahen këtyre kritereve:
1 . Të kenë shkrim apo reportazh televiziv që trajton tema që kanë të bëjnë me fëmijët në Kosovë, të botuar nga janari 2014 deri më datën e shpalljes së këtij konkursi;
2. Ta dorëzojnë publikimin e tyre në formë të shtypur/ në CD me datën e saktë të botimit , së bashku me kopjen e letërnjoftimit dhe të dhënat e mediumit ku punon, në një zarf të mbyllur në zyrën e KOMF;
3. Gazetarët kanë të drejtë të aplikojnë me më tepër se një botim;
Afatet për aplikim:
1. Konkursi është i hapur që nga data e shpalljes së tij në gazetë deri më 18 dhjetor 2014;
2. Çmimet për fituesit do të ndahen gjatë ceremonisë solemne, më 23 dhjetor 2014;
KOMF inkurajon të gjithë gazetarët që kanë tregime në fushën e mbrojtjes së fëmijëve të aplikojnë.