Kuvendi i Komunës së Malishevës, në mbledhjen e mbajtur sot, ka vendosur për ndarjen e çmimeve tradicionale që ndahen me rastin e 16 Qershorit-Ditës së Çlirimit dhe Ditës së Dëshmorëve të Komunës së Malishevës.
Bazuar në statutin e komunës, neni 9, pika 9.3, për nder të Ditës së Çlirimit dhe të Dëshmorëve, Kuvendi i Komunës, ndanë mirënjohje dhe shpërblime në të gjitha fushat dhe njëherit do t’i dekoroj personalitetet e caktuara nga Kuvendi me çmimet: “Imer Krasniqi”-për trimëri dhe heroizëm, “Hamdi Berisha”- për kontributin e dhënë në shkollën shqipe dhe “Dr.Shpëtim Robaj”- për kontribut në fushën e shëndetësisë.
Për këto çmime, Kuvendi i Komunës së Malishevës, sot ka vendosur për ndarjen e çmimeve për këtë vit, për këto personalitete:
Çmimi “Imer Krasniqi” për trimëri dhe heroizëm, këtë vit ju ka ndarë veteranëve luftëtar të UÇK-së, Metush Kryeziu dhe Muhamet Begaj.
Çmimi “Hamdi Berisha”, për kontribut në shkollën shqipe, ju ka ndarë Hanife Gashit dhe Simet Mazrekut.
Çmimi “Dr.Shpëtim Robaj”, për kontribut në shëndetësi, ju ka ndarë Naim Kryeziut dhe Ragip Morinës.