Anëtarë brenda Kuvendit Komunal të Prizrenit, të enjten, kanë kërkuar që çështja e pushimores “Kulla e jetimit”, për të cilën DUPH-ja ka sjellë aktvendim për revokimin e lejes dhe ka urdhëruar dislokimin e objektit, të debatohet më seriozisht, në mënyrë që të merren veprime të duhura juridike, shkruan sot Koha Ditore.
Arbër Rexhaj i lëvizjes “Vetëvendosje” ka konsideruar se ka hapësirë për debat, madje edhe politik, me gjithë faktin që çështja mundohet të prezantohet si “temë e nxehtë dhe e ndjeshme”.
“Ajo kullë ka mbindërtim, por po tentohet që të rrafshohet në tërësi. Debati duhet të shërbejë për gjetjen e mënyrës më të drejtë juridike për trajtimin e kësaj çështjeje”, ka thënë Rexhaj, gjatë sesionit të pyetjeve të këshilltarëve.