Tre persona të dyshuar për armëmbajtje pa leje janë arrestuar në fshatin Caparc të Prizrenit. Zëdhënësi i Policisë në Prizren Hazir Berisha njoftoi se të dyshuarit janë ndalur në mbajtje për 48 orë.
“Rreth orës 22:15 minuta, një patrullë e Njësisë së Reagimit të Shpejtë, përderisa po patrullonte në kuadër të planit operativ “Ngritja e vigjilencës policore”, kishte në prioritet një veturë të dyshuar, e cila, në bazë të informacioneve të siguruara në rrugë operative, shpesh shihej në fshatin Caparc të Prizrenit”, tregoi Berisha.
“Gjatë patrullimit nëpër rrugët e fshatit, është gjetur e parkuar vetura e llojit WV ‘Tauran’ me tre persona brenda dhe gjatë kontrollit janë gjetur dy armë zjarri, pistoleta me 15 fishekë të kalibrit 7.62mm”.
“ Lidhur me rastin është njoftuar prokurori i shtetit i cili ka urdhëruar që tre të dyshuarit të ndalën nën masën e arrestit për 48 orë”./PrizrenPress.com/