Prapaskenë interesante te Napoli disa muaj më parë… E përditshmja italiane, “Il Mattino”, që është edhe me seli në Napoli, ka treguar një prapaskenë sa i përket Gennaro Gattusos, trajnerit që fitoi trofeun e parë në karrierë, Kupën e Italisë, pasi ekipi i tij mposhti me penallti Juventusin.
Në janar, teksa u prek fundi me humbjen në “San Paolo” 0-2 ndaj Fiorentinas, trajneri në mbledhjen me presidentin dhe të birin e tij, deklaroi si burrat edhe përpara ekipit: “Kontrata për mua nuk vlen! Nëse mendoni se jam e keqja dhe se nuk mund t’iu nxjerr dot nga kjo situatë, mund edhe të largohem pa problem”.
Gjithsesi, De Laurentiis preferoi të vazhdonte dhe pati durim me Gatusson, durim që u shpërblye pikërisht me fitim e Kupës së Italisë. Gatusso është një trajner i veçantë…
