Kanë kaluar gati 10 vjet vjet prejse Kosova ka shpallur Pavarësinë, por tetë vjet të tjerë është dashur të kalonin përpara se Kongresi i FIFA-s të hapë dyert për familjen e futbollit të këtij shteti të vogël të Evropës.
Është tetori i vitit 2018 dhe tashmë Përfaqësuesja e Kosovës ka tejkaluar disa prej parashikimeve. Ajo po shfaq formë të mirë dhe po merr rezultate po ashtu të mira, transmeton Koha Ditore.
Edhe pse ishte shumë larg kualifikimit në botërorin “Rusia 2018” për shkak të grupit të fortë që përbëhej nga Kroacia, Islanda, Turqia, Ukraina dhe Finlanda – pika e vetme e fituar në këto eliminatore është më se e kuptueshme. Kosova nuk e arriti asnjë fitore në dhjetë ndeshje eliminatore për botëror, mori vetëm një barazim, atë ndaj Finlandës.
“Duhet të kemi parasysh se në fillim nuk kishim absolutisht asgjë. Federata jonë ka bërë një punë të jashtëzakonshme kohët e fundit”, ka deklaruar portieri Samir Ujkani, që njëherësh është kapiten dhe ka më së shumti paraqitje për Kosovën.