Kosova e mbylli edicionin në Ligën e Kombeve me fitore, pasi sonte triumfoi ndaj Qipros me rezultat bindës 5-1.
Në ndeshjen e zhvilluar në stadiumin “Fadil Vokrri”, dadranët ishin dominues dhe fituan pa problem. Nga dy gola për Kosovën i shënuan Vedat Muriqi dhe Donat Rrudhani, kurse një e shtoi Muslija. Për Qipron golin e nderit e realizoi Valentin Roberge.
Kosova e mbylli grupin në vendin e dytë me nëntë pikë.