Rreth 2000 qytetarë nga vende të ndryshme të Kosovës kaluan kufirin në Vërmicë në drejtim të Shqipërisë në këmbë, njofton Klan Kosova.
Kështu u kujtua eksodi i vitit 1999 ku më se një milionë njerëz u dëbuan nga shtëpitë e tyre.
Por këtë herë këta qytetarë, edhe pse kufirin me Shqipërinë po e kalojnë në këmbë, po e bëjnë në kohë paqeje.
Madje këtë herë ata po shoqërohen edhe nga ministra e kryetar komunash.
Kurse në anën tjetër të kufirit po i presin, kryetari i Bashkisë së Kukësit, Bashkim Shehu dhe ambasadori i Shqipërisë në Kosovë, Qemajl Minxhozi.